Şirniyyatdan imtina edəndə görün bədəndə nələr baş verir – Açıqlama

"Şəkərdən imtina bədəni daha enerjili edir".

presstvaz xəbər verir ki, şəkərdən uzaq durmaq sağlamlığa mühüm təsir göstərir və ümumi vəziyyəti xeyli yaxşılaşdırır.

Rusiyalı dietoloq Yelena Ustinova açıqlamasında bildirib ki, şəkəri həyatından çıxaran insan özünü daha enerjili, yuxusu daha rahat və əhvalı sabit hiss edir.

Ustinovanın sözlərinə görə, söhbət yalnız ağ şəkərdən yox, sadə karbohidratlar qlükoza, fruktoza və saxarozadan da gedir.

"Orqanizm bu maddələri qəbul etməyi dayandıranda, enerji mənbəyi kimi mürəkkəb karbohidratlara keçir. Bu cür enerji daha yavaş sərf olunur, uzunmüddətli toxluq hissi yaradır və gün ərzində güc səviyyəsini sabit saxlayır," – deyə dietoloq izah edib.

Mürəkkəb karbohidratlara taxıllar, makaron məmulatları, çörək və tam dənli məhsullar daxildir.

Mütəxəssis əlavə edib ki, şəkərdən imtina qan şəkəri və insulin səviyyəsini normallaşdırır, nəticədə əhval dəyişiklikləri azalır, zehni fəaliyyət yaxşılaşır. Həmçinin artıq maye bədəndən xaric olur, şişkinlik və ağırlıq hissi azalır.

"Əgər şəkərsiz qidalanma kalori çatışmazlığı ilə müşayiət olunarsa, insan tədricən çəki itirməyə başlayır. Bu da əlavə üstünlüklər yaradır özünü yaxşı hiss etmə, tonusun artması və ümumi məhsuldarlığın yüksəlməsi," – deyə Ustinova vurğulayıb.

Şəkərin azaldılması təkcə arıqlamaq üçün deyil, həm də orqanizmin enerji balansını bərpa etmək və ümumi sağlamlığı qorumaq baxımından vacib addımdır.