Ramiz Mehdiyev villasında iclas salonu yaradıb, tribuna qurubmuş

Barəsində hakimiyyəti zorla ələ keçirmə, dövlətin konstitusiya quruluşunu zorla dəyişdirmə cinayətləri ilə bağlı iş açılan Prezident Administrasiyanın (PA) sabiq rəhbəri Ramiz Mehdiyevin yaşadığı villada axtarış zamanı müstəntiqlər maraqlı mənzərənin şahidi olublar.

presstvaz Gununsesi.info-ya istinadən xəbər verir ki, Ramiz Mehdiyev yaşadığı villada otaqların birini iclas salonu edib.

Belə ki, salonun başında özü üçün kreslo qoyduran Mehdiyev, 50-60 nəfərin oturması üçün oturacaqlar da qoydurub.

Bundan başqa Mehdiyevin oturduğu masanın sağ tərəfində çıxışçılar üçün nəzərdə tutulan tribuna da qurulub.

Görünür, Ramiz Mehdiyev gizli fəaliyyətinə buradan başlayıbmış.

Amma Dövlət Təhlükəsizliyi Xidmətinin onun bu məkrli planını yarımçıq qoyması səbəbindən Ramiz Mehdiyevin iclas salonu da iştirakçısız qalıb.

Xatırladaq ki, Səbail Məhkəməsinin qərarı ilə PA-nın sabiq rəhbəri barəsində 4 aylıq ev dustaqlığı qətimkan tədbiri seçilib.