Dünyada hepatit B virusunu aşkar edən ilk test yaradıldı

Dünyada ilk dəfə olaraq hepatit B virusunun diaqnostikası üçün sürətli test qeydiyyata alınıb, ki, o, həssaslığına görə PCR-lə müqayisə edilə bilər.

presstvaz TASS-a istinadən xəbər verir ki, bu barədə Rusiyanın İstehlakçıların Hüquqlarının Müdafiəsi və İnsan Rifahına Nəzarət üzrə Federal Xidmətinin (“Rospotrebnadzor”) mətbuat xidməti jurnalistlərə məlumat verib.

“Rospotrebnadzor”un epidemiologiya üzrə alimləri dünyada ilk olaraq ilgək vasitəsilə izotermal amplifikasiyaya (Loop mediated isothermal amplification, LAMP) əsaslanan hepatit B virusunun diaqnostikası üçün sürətli test qeydiyyata alıblar.

“Yeni test həssaslığına görə PCR metodu ilə müqayisə edilə bilər, lakin virusun olub-olmadığını cəmi 25-30 dəqiqə ərzində müəyyən etməyə imkan verir ki, bu da ənənəvi metodlarla müqayisədə diaqnostika prosesini əhəmiyyətli dərəcədə sürətləndirir”, – deyə məlumatda bildirilir.

Test hepatit B-ni sürətli və dəqiq şəkildə müəyyən etməyə kömək edir ki, bu da xəstələrin operativ aşkarlanması, terapiyanın təyin edilməsi və epidemiya əleyhinə tədbirlərin həyata keçirilməsi üçün mühüm əhəmiyyət kəsb edir.