Emin Ağalarov Moskva vilayətindəki energetik içkilər istehsalı biznesindən çıxdı

Emin Ağalarov və onun tərəfdaşları alkoqolsuz içkilər istehsal edən “Uni Pak” MMC-nin kapitalından çıxıblar. Oktyabrın 13-dən etibarən eyniadlı MMC-nin sahibi Yeqor Kulikovdur.

presstvaz xəbər verir ki, bu barədə “Vedomosti” portalı Hüquqi Şəxslərin Vahid Dövlət Reyestrinə (HŞVDR) istinadla yazıb.

Ağalarovun nümayəndəsi nəşrə bildirib ki, bu sövdələşmə ilə bağlı danışıqlar çoxdan aparılır. Onun sözlərinə görə, Ağalarov bu aktivi əsas fəaliyyət sahəsinə uyğun olmadığı üçün satmaq qərarına gəlib.

İnvestisiya bankiri İlya Şumov şirkətin 100% payını 500-700 milyon rubl civarında dəyərləndirib.

Emin Ağalarov 2022-ci ilin mayında “Spaso-Borodinskiye vodı” zavodu ünvanında alkoqolsuz içkilər istehsalı üzrə “Uni Pak” MMC-ni təsis edib. Həmin ilin oktyabrında Azərbaycan vətəndaşları Xəyal Abbaszadə, Fuad Əliyev və Nail Ağayev “Uni Pak”ın 25% səhmini əldə ediblər.

2023-cü ilin mayında “Uni Pak” Azərbaycanda energetik içkilərin istehsal edildiyi “Berg” əmtəə nişanının qeydiyyatı üçün müraciət edib.