Qurban Qurbanov: “Benfika” ilə oyundan əvvəl nadir insanlar qələbə barədə düşünə bilərdilər”

“Benfika” istənilən an 3 və ya 4-cü qolu vura bilərdi”.

presstvaz xəbər verir ki, bu barədə “Qarabağ”ın baş məşqçisi Qurban Qurbanov “Euronews” kanalına müsahibəsində “Benfika” ilə keçirilən oyunu dəyərləndirərkən deyib.

O bildirib ki, futbolçularla birlikdə düşüncə o olub ki, daha da böyümək, uğurlu nəticələr əldə etmək üçün biz istənilən komandaya qarşı cəsarətli və inamlı olmalıyıq:

“Emosiyalarımı sözlə ifadə edə bilmərəm. Çünki “Benfika” kimi komandaya səfərdə 2:0 geri düşdükdən sonra üç qol vurmaq böyük nailiyyətdir. “Benfika” istənilən an 3 və ya 4-cü qolu vura bilərdi”.

“Benfika” ilə oyundan əvvəl nadir insanlar qələbə hətta bərabərlik haqqında düşünə bilərdi. Oyundan sonra Avropanın istənilən ölkəsində bizim qalibiyyətimiz, komandamızın gücü barədə danışıldı. Bu, komandamıza əlavə inam yaratdı. Bu cür böyük turnirdə iştirak etmək haqqımızda daha çox maraqlanmalarına səbəb olur. Yenidən Çempionlar Liqasında çıxış etməyimiz “Qarabağ” adının tarixini ciddi surətdə bəyan etdi”, – deyə baş məşqçi qeyd edib.