Tramp Baydenin əfv fərmanını ləğv etdi: Məhbusları “cəhənnəmə göndərdi”

ABŞ Prezidenti Donald Tramp sələfi Co Baydenin məhkum olunmuş 37 cinayətkara verdiyi əfv fərmanını ləğv edib.

presstvaz-ın xəbərinə görə, bu barədə “The Wall Street Journal” (WSJ) nəşri məlumat verib.

Yeni prezidentin qərarına əsasən, bu məhbusların əksəriyyəti Kolorado ştatındakı “ADX Florence” xüsusi sərt rejimli federal həbsxanasına köçürülüb. Bu müəssisə son dərəcə sərt saxlanma şəraiti ilə tanınır, hansı ki, burada məhbuslar təkadamlıq kamerada gündə 23 saata qədər vaxt keçirirlər.

Tramp Baydenin ölüm hökmlərini ömürlük həbslə əvəzləmək qərarını kəskin şəkildə şərh edərək, məhbuslara “cəhənnəmə getmələrini” arzulayıb. Sadəcə xüsusi tibbi ehtiyacları olan bir neçə məhbus üçün istisnalar edilib.

Nəşrin məlumatına görə, ABŞ-li məmurlar görüşlər zamanı “ADX Florence”də şərtlərin sərtləşdirilməsini təklif edərək, pəncərələrin olmasının və qidalanmanın keyfiyyətinin xüsusilə təhlükəli cinayətkarlar üçün çox komfortlu olduğunu qeyd ediblər.

Xatırladaq ki, mart ayında Donald Tramp Baydenin əfv sərəncamlarının avtomatlaşdırılmış cihaz tərəfindən imzalandığı üçün etibarsız olduğunu bildirmişdi.