Əlli il əvvəl tapılan bakteriya qocalma əleyhinə dərmana çevrildi

Sakit okeanda yerləşən Pasxa adasının ucqar torpaqlarında təxminən 50 il əvvəl alimlər tibbin gələcəyini əbədi dəyişəcək bir bakteriya kəşf ediblər. Bu bakteriyadan əldə edilən rapamisin (sirolimus) sonradan tibbdə inqilab yaradaraq milyonlarla dollarlıq dərmana çevrilib.

presstvaz bu barədə “IFLScience” portalına istinadla xəbər verir.

Bildirilir ki, rapamisin orqan köçürmələrində orqanizmin immun reaksiyasını zəiflədərək rəddedilmənin qarşısını alır. Bundan əlavə, bəzi xərçəng növlərinin müalicəsində, nevroloji xəstəliklərdə istifadə olunur və qocalmanı ləngidən universal preparat kimi də böyük potensiala malikdir.

Mütəxəssislərin hesablamalarına görə, rapamisinin dünya bazarında dəyəri 2033-cü ilə qədər isə 522 milyon dolları keçə bilər.

Alimlər bildirirlər ki, rapamisin hüceyrələrin böyüməsi və metabolizmini tənzimləyən “mTOR” adlı zülalın fəaliyyətini zəiflədərək həm immun sistemini nəzarətdə saxlayır, həm də hüceyrələrin qocalmasını ləngidir.