BMT: “Qlobal ticarət rekord səviyyədə qeyri-müəyyənliklə üzləşir”

Qlobal ticarət siyasətinin qeyri-müəyyənlik indeksi 2025-ci ilin birinci rübündə rekord səviyyəyə çatıb.

presstvaz TASS-a istinadən xəbər verir ki, bu barədə Birləşmiş Millətlər Təşkilatının (BMT) Ticarət və İnkişaf Konfransı (UNCTAD) tərəfindən hazırlanmış 2025-ci ilin sentyabr ayı üçün Dünya Ticarət İcmalında bildirilib.

Qeyd olunub ki, gözlənilməzlik sistemli və qlobal xüsusiyyətə çevrilib. Bu, atmosfer xərclərin artması ilə nəticələnir, maliyyə bazarlarını alt-üst edir və ölkələr arasında fikir ayrılıqlarını dərinləşdirir. Öz növbəsində şirkətlər çətin seçim qarşısında qalır: mal ehtiyatları yaratmaq, daşınmaların marşrutunu dəyişdirmək və ya daha yüksək nəqliyyat xərcləri ödəmək. Bu vəziyyətdə ən ağır yük maliyyə imkanları və logistikaları məhdud olan və şokların təsirini azalda bilməyən kiçik ixracatçıların və inkişaf etməkdə olan ölkələrin üzərinə düşür.

Sənədin müəllifləri vurğulayıblar ki, qeyri-müəyyənlik bütün qlobal iqtisadiyyatın ödəməli olduğu yeni tarifə çevrilib.