Bu görüşdən öncə müharibəni bitirmək fürsəti var idi

ABŞ Prezidenti Donald Tramp ilə Rusiya Prezidenti Vladimir Putin arasında Alyaskada keçirilən görüşdən əvvəl müharibənin sona çatdırılması üçün ideal bir konstruksiya mövcud idi. İndi isə ruslar bildirirlər ki, müharibəni davam etdirmək üçün resurslara malikdirlər.

presstvaz xəbər verir ki, bu sözləri Ukrayna Prezident Ofisi rəhbərinin müşaviri Mixayl Podolyak bildirib.

Podolyak qeyd edib ki, həmin konstruksiya ondan ibarət idi ki, atəşkəs hər hansı sülh danışıqlarından əvvəl baş verməli idi və bu addım tərəflərin müharibəni sona çatdırmağa hazır olduqlarına dair aydın bir mesaj olardı:

"Ukraynanın təklif etdiyi strategiyaya riayət olunmalı idi. Buna atəşkəs, sonra danışıqlar prosesi, daha sonra müəyyən müddətlik müvəqqəti sülh dövrü, cəbhə xəttində vəziyyətin dondurulması və s. daxil idi. Bu artıq o demək olardı ki, Rusiya doğrudan da müharibədən çıxmaq istəyir. Hazırda isə açıq şəkildə görünür ki, onlar nəinki müharibədən çıxmaq istəmirlər, əksinə müvafiq resursları olduğunu, həmçinin qlobal bazarda vəsait toplamağa, müəyyən resurs imkanlarını maliyyələşdirməyə imkan yaratdıqca müharibəni davam etdirəcəklərini bildirirlər”.