Serbiyanın daxili işlər nazirinə içində üç güllə olan məktub göndərilib

Serbiya hökumətinin binasında içərisində güllələr olan zərf tapılıb və bu, ölkənin daxili işlər nazirli İvitsa Daçiç üçün göndərilib.

presstvaz-ın Gazeta.ru-ya istinadən xəbərinə görə, bu barədə Serbiya DİN-in Mətbuat Xidmətindən məlumat verilib.

Məlumata görə, poçt göndərişi Pojarevats şəhərindəki “Serbiya poçtları” şöbəsindən həyata keçirilib.

“Polis poçt göndərişini təhvil verən şəxsi müəyyənləşdirərək tapıb, hadisənin bütün şəraitinin aydınlaşdırılması istiqamətində işlər davam etdirilir”, – deyə məlumatda bildirilib.

Məktubu göndərənin kimliyi açıqlanmayıb. Naziri təhdid edən insident Serbiya daxilində siyasi böhranın kəskinləşməsi fonunda baş verib.

Qeyd edək ki, Serbiyada ötən il noyabrın 1-də Novi-Sadda dəmiryol vağzalında tavanın uçmasından sonra tələbələr və müxalifət qüvvələrinin kütləvi etirazları başlayıb. İlkin olaraq sosial problemlərdən qaynaqlanan etirazlar tezliklə açıq-aşkar siyasi xarakter alıb, iştirakçılar təcili şəkildə növbədənkənar parlament seçkilərinin keçirilməsini və hazırkı nazirlər kabinetinin istefasını tələb ediblər.

Etirazlar avqustun 18-də Belqrad, Novi-Sad və digər şəhərlərdə “Harada qalmışdıq?” şüarı altında yenidən başlayıb. KİV-də nümayişçilərin, həmçinin Novi-Pazarda Çernoqoriyaya gedən magistral yolu bağladıqları bildirilib.