Ağ Ev Əliyev və Paşinyan arasında sülh müqaviləsinin imzalanmasını gözləyir

ABŞ Administrasiyası Azərbaycan və Ermənistan arasında yekun sülh müqaviləsinin 2026-cı ilin sonuna kimi imzalana və ratifikasiya oluna biləcəyini gözləyir.

presstvaz xəbər verir ki, bu barədə “Foreign Policy” mənbəyə istinadən məlumat yayıb.

Nəşr qeyd edir ki, avqustun 8-də Vaşinqtonda əldə olunan razılaşmalar ABŞ-nin postsovet məkanında öz təsirini gücləndirmək üzrə ən böyük cəhdlərdən biri olub və Donald Tramp administrasiyasının “təsir dairəsini Kremlə təhvil verməyə çalışdığı” versiyasını təkzib edir.

“Foreign Policy” məqaləsində yazır ki, Azərbaycan və Ermənistan arasında çərçivə sazişi yekun sülhə, sərhədlərin bərpasına, diplomatik münasibətlərin normallaşmasına və Cənubi Qafqazda ticarət marşrutlarının açılmasına yol açır.

O həmçinin iqtisadi və infrastruktur layihələrini, o cümlədən tranzit dəhlizinin inkişafını, regional enerji və nəqliyyata investisiyaları nəzərdə tutur.

Eyni zamanda, risklər qalmaqdadır: ölkələr arasında inamsızlıq və ənənəvi olaraq regionda dominantlıq edən Rusiya və İranın mümkün müqaviməti.