Fergus Auld: “Britaniya-Azərbaycan tərəfdaşlığı ilə fəxr edirik”

“Nazir Stiven Dauti və Zati-aliləri Prezident İlham Əliyev arasında möhtəşəm bir görüş oldu. Ticarət və investisiya, təhlükəsizlik, iqlim dəyişikliyi, enerji və təhsil daxil olmaqla Britaniya-Azərbaycan tərəfdaşlığı ilə fəxr edirik. Sülh və qarşılıqlı əlaqələrin inkişafı bu regionu formalaşdıracaq”.

presstvaz xəbər verir ki, bu barədə Böyük Britaniyanın Azərbaycandakı səfiri Fergus Auld öz “X” hesabında Birləşmiş Krallığın Avropa, Şimali Amerika və dənizaşırı ərazilər üzrə dövlət naziri Stiven Dauti və Prezident İlham Əliyevin görüşü barədə məlumat verərkən yazıb.

Britaniyalı diplomat Stiven Dautinin Azərbaycanın xarici işlər naziri Ceyhun Bayramovla görüşü haqqında da məlumat verib.

“İkitərəfli görüş zamanı Stiven Dauti Ceyhun Bayramova Azərbaycan və Ermənistan arasında tarixi sülh görüşü ilə bağlı təbriklərini çatdırdı və Britaniyanın sülh quruculuğunda və qarşılıqlı əlaqələrin inkişafında dəstək göstərməyə hazır olduğunu bir daha bəyan etdi”, – səfirin paylaşımında qeyd edilib.