Keçmiş SSRİ-nin ən dəhşətli manyakının oğlu Rusiya-Ukrayna müharibəsində ölüb

Ukraynanın Xarkov vilayətində gedən döyüşlər zamanı SSRİ-nin ən dəhşətli manyakı Andrey Çikatilonun oğlu Yuri öldürülüb.

presstvaz xəbər verir ki, bu barədə “SHOT” “Telegram” kanalı məlumat yayıb.

Qeyd olunub ki, silsilə qətllər törədən Andrey Çikatilonun oğlu Ukraynadakı hərbi əməliyyatların lap əvvəlində Rusiyaya qarşı döyüşməyə gedib və 8 ay əvvəl itkin düşüb. O zaman oğul Çikatilo Ukrayna Silahlı Qüvvələrinin artilleriya bölməsinin tərkibində olub. Xarkovdan 20 km aralıda onun dəstəsi Rusiya ordusu tərəfindən kütləvi artilleriya atəşinə məruz qalıb.

Ukrayna əvvəlcə Yuri Çikatilonu itkin düşənlər siyahısına daxil edib və yalnız indi onu ölü kimi tanıyıb. Manyakın oğlu ölümündən sonra 2-ci dərəcəli “İgidliyə görə” ordeni ilə təltif olunacaq.

Yuri Çikatilo cinayət təqibindən qaçmaq üçün Ukrayna Silahlı Qüvvələrinə qoşulub. Ukraynada o, aliment, kredit və yol cərimələri üzrə külli miqdarda borclarına görə məhkəmə icraçıları və Daxili İşlər Nazirliyi tərəfindən axtarışa verilib. Onun atası, Andrey Çikatilo 53 silsilə qətl törədib və 1994-cü il fevralın 14-də edam edilib.