UEFA Superkuboku: PSJ penaltilər seriyasında qalib gəldi

UEFA Superkuboku uğrunda matç başa çatıb.

presstvaz xəbər verir ki, İtaliyanın Udine şəhərində yerləşən “Dacia Arena” stadionunda UEFA Çempionlar Liqasının qalibi PSJ ilə UEFA Avropa Liqasının qalibi “Tottenhem” üz-üzə gəliblər.

İngilislər 39-cu dəqiqədə Van de Venin qolu ilə hesabı açıblar. 48-ci dəqiqə Romero fərqi artırıb – 0:2.

85-ci dəqiqədə Paris təmsilçisi Li Kan İnin sayəsində bu qollardan birinin əvəzini çıxmağı bacarıb. 90+4-cü dəqiqədə isə PSJ Ramuşun dəqiq zərbəsi ilə hesabı bərabərləşdirib – 2:2.

Qarşılaşmanın əsas vaxtı heç-heçə bitdiyindən, qalibi penaltilər seriyası müəyyənləşdirib. Burada daha dəqiq olan (4:3) Fransa klubu tarixində ilk dəfə UEFA Superkubokuna yiyələnib.

13 avqust, 23:00

İtaliyanın Udine şəhərində UEFA Superkubokunun final matçı start götürüb.

presstvaz xəbər verir ki, “Dacia Arena” stadionunda keçirilən qarşılaşmada UEFA Çempionlar Liqasının qalibi PSJ və UEFA Avropa Liqasının qalibi “Tottenhem” üz-üzə gəlirlər.

Matçı portuqaliyalı hakim Joau Pinyeyru idarə edir.

13 avqust, 08:00

Bu gün UEFA Superkubokunun final matçı keçiriləcək.

presstvaz xəbər verir ki, futbol azarkeşlərinin böyük maraqla gözlədiyi qarşılaşmada UEFA Çempionlar Liqasının qalibi PSJ və UEFA Avropa Liqasının qalibi “Tottenhem” üz-üzə gələcəklər.

Oyun Bakı vaxtı ilə saat 23:00-da start götürəcək. Qarşılaşma İtaliyanın Udine şəhərində yerləşən “Dacia Arena” stadionunda keçiriləcək.

Qeyd edək ki, PSJ son oyununda klublararası dünya çempionatının finalında “Çelsi”yə 0:3 hesabı ilə məğlub olub. “Tottenhem” isə “Bavariya” ilə keçirdiyi yoxlama görüşündə meydandan 1:4 hesablı məğlubiyyətlə ayrılıb.

13 avqust

UEFA Superkuboku

Saat 23:00, PSJ – “Tottenhem”.