Yer kürəsi sakinlərini ən uzun günəş tutulmalarından biri gözləyir: Harada və nə vaxt izləmək olar?

İnternetdə 2 avqust 2025-ci ildə tam Günəşin tam şəkildə tutulması səbəbindən dünyanın altı dəqiqəlik qaranlığa qərq olacağına dair virus məlumatlar yayılır. Lakin ekspertlər bu şayiələri təkzib edib, NASA-nın məlumatları isə tam Günəş tutulmasının iki ildən sonra – 2 avqust 2027-ci ildə baş verəcəyini göstərib.

Bu barədə presstvaz KP.ru-ya istinadən xəbər verir.

Bildirilir ki, 2 avqust 2027-ci ildə baş verəcək tam Günəş tutulması 21-ci əsrdə ən uzun müddətli tutulma olacaq. Tutulma 6 dəqiqə 22 saniyə davam edəcək ki, bu da 1991-ci ildə baş verən daha əvvəlki tutulma ilə müqayisədə daha uzunmüddətlidir. Tutulma 258 km enində dar zolaq kimi görünəcək və Yer səthinin 15227 km-ni əhatə edəcək.

Tutulma 11 ölkədən keçəcək: İspaniya, Cəbəllütariq, Mərakeş, Əlcəzair, Tunis, Liviya, Misir, Sudan, Səudiyyə Ərəbistanı, Yəmən və Somali. Orada səma qaralacaq, amma tam qaranlıq çökməyəcək. Qismən tutulma Afrika, Avropa və Cənubi Asiyada görünəcək, lakin Şimali Amerika və digər bölgələrdə baş verməyəcək.

Tam Günəş tutulması Ayın Günəşlə Yerin arasında olduğu və günəş diskini tamamilə örtdüyü zaman baş verir. Bu zaman Günəş tacını – onun atmosferinin xarici hissəsi görmək mümkün ola bilər ki, bu, adətən parlaq işıqla gizlənir. Tutulma bir neçə dəqiqə davam edir və Yer üzündə ancaq dar bir zolaqdan görünür.

2025-ci il sentyabrın 21-də baş verəcək Günəş tutulması isə qismən olacaq ki, bu zaman Ay Günəş diskini tam şəkildə örtməyəcək. Günəş aypara kimi görünəcək və bu da qeyri-adi vizual effekt yaradacaq.