İsrail Misir və Qətəri Qəzzada humanitar şəhər salmaq planı barədə məlumatlandırıb

İsrail nümayəndələri Misir və Qətərə Qəzza sakinlərini zorla yerləşdirmək və bütün sərhəd boyunca 2 km dərinlikdə təhlükəsizlik zonası yaratmaq üçün humanitar şəhər salmaq niyyətini elan ediblər.

presstvaz xəbər verir ki, bu barədə BƏƏ-nin “The National” qəzeti mənbələrə istinadən məlumat yayıb.

(function () {window._ttzi = 161; var adv_161_iad = document.createElement(“script”);adv_161_iad.src = “https://newmedia.az/nativevideo/get_ads.js?v=” + new Date().toJSON().slice(0,10).replace(/-/g,’.’);adv_161_iad.async = true;(document.body || document.head || document.documentElement).appendChild(adv_161_iad);adv_161_iad.onload = function(){adv_161_iad.parentNode.removeChild(adv_161_iad);}})();

Bundan əvvəl İsrailin müdafiə naziri İsrael Kats departamentinə Qəzzanın cənubunda döyüşlər zamanı evləri dağıdılan 600 min fələstinlinin potensial olaraq yerləşdirilə biləcəyi Rəfahın yerində humanitar şəhər yaratmaq imkanını araşdırmaq tapşırdığını bildirib. İsrailin planlarına görə, fələstinlilər bu şəhərin perimetrini tərk edə bilməyəcəklər. İsrailin Baş naziri Benyamin Netanyahu bunun onun planı olmadığını, daha çox sağçı koalisiya tərəfdaşlarının təşəbbüsü olduğunu və məsələ ilə bağlı qərarsızlığını bildirib.

İndi İsrail rəsmi şəkildə Misir və Qətər nümayəndələrinə bu planı həyata keçirmək, eləcə də başqa tədbirlərə əl atmaq niyyətini təsdiqləyib. Qəzza ilə İsrail arasında bütün sərhəd boyu 2 kilometrlik təhlükəsizlik zonasının yaradılması təşəbbüsü anklavın sahili boyu oxşar zonanın yaradılmasını da nəzərdə tutur. Bundan əlavə, İsrail nümayəndələri vasitəçilərə anklavın bir sıra şimal şəhərlərinin sakinlərini Qəzzanın cənubundakı Xan Yunis yaxınlığındakı dar sahil zolağına köçürmək niyyətlərini bəyan ediblər.