Hollivudun ən möhkəm cütlüklərindən sayılan Marion Kotiyar və Giyom Kane ayrıldılar

Hollivud ulduzları dünyasında daha bir səs-küylü ayrılıq baş verib. Fransız kinosunun ən sabit cütlüklərindən sayılan Marion Kotiyar və Giyom Kane birlikdə keçirdikləri 18 ildən sonra ayrıldıqlarını açıqlayıblar.

presstvaz-ın verdiyi məlumata görə, bu barədə cütlük birgə bəyanat yayıb.

Ulduzlar ayrılıq qərarının qarşılıqlı razılıq və hörmət çərçivəsində verildiyini vurğulayıblar. Cütlük həmçinin ictimaiyyətdən ehtimallar və şayiələrdən uzaq durmağı xahiş edib.

Marion və Giyom heç vaxt rəsmi nikah bağlamasalar da, 14 yaşlı Marsel və 8 yaşlı Luiz adlı iki övlad böyüdüblər. Onların şəxsi həyatı həmişə media diqqətindən uzaqda olub və çox nadir hallarda ictimaiyyətlə şəxsi məsələlərini bölüşüblər.

Qeyd edək ki, 2016-cı ildə “Müttəfiqlər” filminin çəkilişləri zamanı Kotiyar və Bred Pitt arasında romantik münasibətlərin olması ilə bağlı yayılan söz-söhbətlər fonunda, aktrisa nadir hallarda etdiyi açıq bəyanatla çıxış etmişdi. O zaman Marion bildirib ki, onun qəlbi yalnız bir insana – sevgilisi və ən yaxın dostu adlandırdığı Giyom Kaneyə məxsusdur.