Arıqlamaq üçün səhər yeməyinin əsas komponentləri: Bir fincan qəhvə və…

Arıqlamaq istəyən insanlar üçün səhər yeməyi düzgün planlaşdırılsa, artıq çəkidən qurtulmaq daha asan ola bilər.

presstvaz xəbər verir ki, bu barədə rusiyalı diyetoloq Yuliya Çexonina danışıb.

Mütəxəssis bildirib ki, səhər yeməyi gün ərzində enerji balansını tənzimləyir, həddindən artıq yeməyin qarşısını alır və maddələr mübadiləsini sürətləndirir.

“Səhər acqarına bir stəkan su içmək mədə fəaliyyətini aktivləşdirir, bu da həzm prosesinə müsbət təsir göstərir. Bundan əlavə, səhər içilən kofe qan damarlarına faydalı təsir edir və bədənin oyanmasına kömək edir”, – deyə Çexonina qeyd edib.

Onun sözlərinə görə, səhər yeməyi yuxudan oyandıqdan ən gec yarım saat sonra qəbul edilməlidir. Bu zaman menyuda mütləq zülalla zəngin qidalar – yumurta, kəsmik və ya yoğurt yer almalıdır.

Diyetoloq sıyıqları (yarmaları) şəkərlə deyil, təbii alternativlərlə – giləmeyvə və ya quru meyvələrlə şirinləşdirməyi tövsiyə edib.

Mütəxəssisin fikrincə, bu sadə qaydalara əməl etməklə səhər yeməyi bədəni formada və sağlam saxlamaq, arıqlamaq istəyənlər üçün mühüm vasitəyə çevrilə bilər.