Мuxtar Babayev: “Azərbaycan Braziliya ilə birlikdə 1,3 trilyon dollarlıq proqram hazırlayır”

“COP29 uğurla həyata keçirildi. Ortada çox ciddi ambisiya var idi. Proqramın həyata keçirilməsi üçün güclü komandanın yaradılması vacib idi. Azərbaycan Prezidentinin səyi nəticəsində gələcəkdə gözəl nəticələr əldə etmək üçün fundament yaratdıq”.

presstvaz xəbər verir ki, bu fikirləri Bakı Enerji Forumunun ikinci günündə Azərbaycan Respublikası Prezidentinin iqlim məsələləri üzrə nümayəndəsi, COP29 Prezidenti Мuxtar Babayev deyib.

O bildirib ki, COP29 dönəmində bütün dövlət qurumlarından böyük dəstək olub:

“COP29-dan sonra yeni çətinliklər ortaya çıxıb. Bəzi ölkələr bir qədər fərqli siyasət yürütdülər. ABŞ-nin iqlim məsələləri ilə bağlı müzakirələrdən geri çəkilməsi prosesə təsir göstərir.

300 milyard dolların toplanılması ilə bağlı razılıq əldə olundu. İqlim məsələləri ilə bağlı ilk dəfədir ki, bu rəqəmə nail olunub. Elə ölkələr var idi ki, trilyonlarla dollar gözləyirdilər, bəzi ölkələr isə məsələyə daha real yanaşırdılar”.

“Azərbaycan Braziliya komandası ilə birlikdə 1.3 trilyon dollarlıq proqram hazırlayır. 300 milyard dollardan 1.3 trilyon dollara vəsaiti qaldırmaq üçün proqram üzərində ciddi iş aparmalıyıq.

Bütün müharibələr, münaqişələr böyük xərclər deməkdir. Müharibələr ekologiya üçün çox böyük mənfi nəticələrə səbəb olur. Nəticəni əldə etmək asan deyil. Bizim məqsədimiz donorları aktiv müzakirələrə yönəltməkdir. Böyük oyunçuları təhrik etməliyik ki, vədlərini yerinə yetirsinlər. Özəl sektoru da səfərbər etməyə çalışırıq, onların da rolu mühüm əhəmiyyət kəsb edir”, – deyə M.Babayev əlavə edib.\oxu.az|