"Eldar yarışma ərəfəsində heç kimə dəstək olmurdu"

"İndi Eldara böyük hörmətim var. Amma hər dəfə "Avroviziya" ərəfəsində onu yıxıb-sürümüşəm. Çünki yarışma ərəfəsində heç kimə dəstək olmur, bununla bağlı paylaşımlar etmir. Hətta bir dəfə müsabiqəyə bir gün qalmış səhifəsinə baxdım. Gördüm, ancaq alça yeyir, ondan danışır".

presstvaz xəbər verir ki, bu sözləri aparıcı Elgiz Əkbər proqramında deyib. Aparıcı "Avroviziya 2011" qalibi, hazırda yarışmanın Azərbaycan üzrə musiqi prodüseri Eldar Qasımovdan danışıb. O bildirib ki, Eldarın rus dilində danışmasını bəyənməyib:

"Müsahibələrini izlədim, ancaq rus dilində danışır. Bir dəfə Azərbaycan dilində danışmayıb. Elə fikir formalaşdırıb ki, o ağ, biz qara adamıq. Efirdə ona irad tutdum. Həmin gündən görürəm ki, Eldar Azərbaycan dilində danışır. Gözəl danışır, bunu demək lazımdır. Eldar, sən bu xalqın nümayəndəsisən, göndərmişik "Avroviziya"da bizi təmsil edəsən. Sən hansı xalqın başını uca edirsən? İradımdan sonra, sözümü dinlədi. Üzümə qayıtmadı. O qədər tənqid edirdim ki, onun bir yaxını zəng etdi ki, Eldardan nə istəyirsən?". (Axşam.az)