Vladimir Jirinovskinin var-dövləti kimə qismət olacaq?

Moskva məhkəməsi Rusiya Liberal Demokrat Partiyasının təsisçisi Vladimir Jirinovskinin mirası ilə bağlı uzun sürən mübahisəyə son qoyub.

presstvaz-ın xəbərinə görə, bu barədə “RİA Novosti” məlumat verib.

Məlumata görə, ömürlük təminat məsələsi ilə bağlı məhkəmə Vladimir Jirinovskinin oğulları David Qarsia (İqor Lebedev) və Oleq Eydelşteynin lehinə qərar verib.

Məhkəmə sənədlərinə görə, siyasətçinin bacısı (qardaşı) qızları Yelena Listopadova və Nataliya Sokolova ömürlük təminat müqaviləsinin qəbul edilməsinə nail ola bilməyiblər. Məhkəmə onların iddia tələblərini rədd edib.

Jirinovskinin oğulları hesab edilən David Qarsia (İqor Lebedev) və Oleq Eydelşteyn miras üçün hüquqlarını müdafiə ediblər.

Qeyd edək ki, məhkəmə prosesi Vladimir Jirinovskinin ölümündən bir neçə ay sonra, 2022-ci ilin dekabrından başlayıb. Rusiya Liberal Demokrat Partiyasının təsisçisi uzun sürən xəstəlikdən sonra 2022-ci il aprelin 6-da 75 yaşında vəfat edib. Siyasi karyerası ərzində o, altı dəfə Rusiya prezidenti postuna namizədliyini irəli sürüb və Dövlət Dumasının bütün çağırışlar üzrə deputatı olub.

Ötən ilin avqustunda Oleq Eydelşteyn mirasın bir hissəsini tələb etmək imkanına malik olmaq üçün Jirinovskinin onun bioloji atası kimi tanınması istəyi ilə məhkəmədə iddia qaldırıb.