Mask Yer kürəsini öz övladlarından ibarət ağıllı “legion”la doldurmaq istəyir

Məşhur sahibkar və “Tesla”, “SpaceX”in və ABŞ Hökumətin Səmərəliliyi Departamentinin (DOGE) rəhbəri İlon Mask övladlarını “legion” adlandırır.

presstvaz xəbər verir ki, bu barədə “The Wall Street Journal” (WSJ) qəzeti mənbələrə istinadən məlumat yayıb.

Qeyd olunur ki, Mask Roma Respublikası və Roma İmperiyası dövründəki qoşunları nəzərdə tutaraq, bu termini istifadə edir.

Məlumata görə, İlon Mask övladlarının sayında “legion” səviyyəsinə çatmağı hədəfləyir. Onun əsas məqsədi Yer kürəsində yüksək intellektə malik insanların sayını artırmaqdır. Mask hesab edir ki, bu, planetin əhalisinin azalması nəticəsində yarana biləcək sivilizasiyaya mövcud təhlükələrə qarşı çıxmaq üçün lazımdır.

Bildirilir ki, Maskın hazırda dörd qadından ən azı 14 uşağı var. Bununla belə, qəzetin bir neçə mənbəyi iddia edir ki, əslində sahibkarın daha çox övladı var. Milyarderin uşaqlarının dəqiq sayı məlum deyil.

Maraqlıdır ki, sahibkar gələcək övladları üçün potensial anaları “X” şirkətinin işçiləri arasında tapır.