“Hatayspor”un sabiq futbolçusu Aaron Bupendzanın faciəli ölümünün səbəbi bilindi

Çin Superliqasının “Çjetszyan” klubunda çıxış edən və eyni zamanda, Qabon milli komandasının hücumçusu olan Aaron Bupendzanın 11-ci mərtəbədən yıxılaraq ölməsinin səbəbi məlum olub.

presstvaz xəbər verir ki, Çin polisinin ölüm faktı ilə bağlı apardığı araşdırma nəticəsində futbolçunun binadan kənar müdaxilə olmadan, özünün yıxıldığı müəyyən edilib.

Daha əvvəl futbolçunun qardaşı ilə mübahisə etdiyi və onun tərəfindən binadan atıldığı iddia olunurdu.

16 aprel, 15:56

Çin Superliqasının “Çjetszyan” klubunda çıxış edən və eyni zamanda, Qabon milli komandasının hücumçusu olan Aaron Bupendza 28 yaşında dünyasını dəyişib. Futbolçu bir müddət əvvəl Türkiyənin “Hatayspor” klubunda da oynamışdı.

presstvaz bu barədə “TRT Haber”ə istinadla xəbər verir.

Çinli rəsmilər bu faciəli hadisə ilə bağlı dərhal araşdırmalara başlayıblar. Hazırda üç əsas ehtimal var: qətl, bədbəxt hadisə və intihar.

Məlumatlara görə, Bupendzanın ölümündən əvvəl onun mənzilinə qardaşı gəlib və onlar arasında mübahisə yaşanıb. Versiyalardan birinə görə, futbolçu məhz qardaşı tərəfindən binadan aşağı atılıb. Digər versiyalar isə onun təsadüfən yıxılması və ya özünü binadan atmasıdır.

Klubdan verilən açıqlamaya görə, təcrübəli hücumçu son məşqə heç bir səbəb göstərmədən qatılmayıb. Komandanın onunla əlaqə saxlamaq cəhdləri də nəticəsiz qalıb.