Zərərə görə ödənilən sığorta məbləği niyə artırılmır? – AÇIQLAMA

Son zamanlar sürücüləri maraqlandıran məsələ avtomobillərin bazar qiyməti artsa da sığorta qiyməti sabit qalır. Avtomobil sahibləri icbari sığorta haqqının aşağı olmasından gileylənirlər.

Bəs zərərə görə ödənilən sığorta məbləği niyə artırılmır?

Bu barədə Milli.Az-a sığorta məsələləri üzrə ekspert Emil açıqlama verib ki, icbari sığorta üzrə zərərlilik kifayət qədər artıb.

“Buna əsas səbəb ölkəyə gələn yeni avtomobillərdir. Çünki onların ehtiyat hissələri də bahadır. Həmin ehtiyat hissələrinin işlənmiş, 2ci əli yoxdur. Sığorta haqqında qanuna əsasən, icbari sığorta əldə edən şəxslər yol-nəqliyyat hadisəsi baş verdikdə, dəymiş ziyan müəyyən olunduqda, əvvəlki illərdə zərərlilik 2-3 min manat təşkil edirdisə, hazırda bu məbləğ 4-5 min manata çatır. Sığorta üzrə isə maksimum ödəniş 5 min manat təşkil edir. Hazırda 5 min qarşılayır bir çox zərəri. Amma orta zərər 5 mini keçərsə, bu zaman şəxs könüllü olaraq əlavəni qarşılaya bilər. Amma bu daha çox olarsa, gələcəkdə sığorta məbləğləri artırıla bilər”.

Ekspert qeyd edir ki, bununla bağlı gələcəkdə qanun layihəsi hazırlana bilər.