Üçaylıq Murad təcili əməliyyat olunmalıdır: Vəziyyəti ağırdır

Üçaylıq körpənin yardımsevər şəxslərin dəstəyinə ehtiyacı var.

presstvaz bildirir ki, bu barədə Oxu.Az-a onun anası Yasəmən Qarayeva məlumat verib.

O bildirib ki, övladı 28 həftəlik olarkən doğulub:

“Murad yanvar ayında dünyaya gəlib. Mən 13 il övlad həsrəti çəkmişəm, illərlə ağır müalicələrdən sonra Murada hamilə qaldım. Hamiləliyim çox çətin və ağır keçib. 28 həftəlik hamilə olarkən həkim mütləq uşağı götürməli olduğumuzu dedi. Murad 1.3 kiloqram ağırlığında dünyaya gəldi. 14 gün küvəzdə qaldı. Müalicələr nəticəsində Muradın vəziyyəti günü-gündən yaxşılaşırdı. Çəkisi artmışdı, çox balaca olduğu üçün tək ağızla qidalana bilmirdi deyə, onu burnundan kateterlə qidalandırırdıq. Bir ay sonra o. yenidən küvəzə düşdü. Sizin izləyicilərin dəstəyi ilə biz həmin vəziyyətdən çıxa bildik”.

Gənc ana Muradın hazırda əməliyyata ehtiyacı olduğunu deyib:

“Son müayinələr zamanı Muradın göbək və qasıq hissəsində yırtıq olduğunu, bağırsaq boğulması olduğunu öyrəndik. Həkimlər onun təcili əməliyyata alınmalı olduğunu deyir. Bunun üçün isə lazım olan 2 500 manatın 1 000 manatını tapa bilmişik, amma qalan məbləğ hələ də çatmır. Sizin saytın izləyicilərinin dəstəyi ilə balamı bu günə gətirib çıxara bilmişdim. Bizə yenidən dəstək olmaları üçün bir daha onlara üz tutub, yalvarıram. Xahiş edirəm bizə yenidən dəstək olun”.

Ailə ilə əlaqə: (055) 329-77-59.

“Unibank”: 5243 7544 4718 1999.