Maskın DOGE-nin rəhbərliyindən uzaqlaşdırıması prosesinə başlanıldı: Bir şərtlə qala bilər

ABŞ Nümayəndələr Palatasının 77 demokrat konqresmeni tanınmış biznesmen və innovator İlon Maskı Donald Trampın Administrasiyasında Hökumət Səmərəliyi Departamentinin (DOGE) rəhbəri vəzifəsindən kənarlaşdırmaq prosesini başladıb.

presstvaz bu barədə “Axios”a istinadən xəbər verir.

Rəsmi məktubda demokratlar Ağ Evdən dərhal İlon Maskın istefa verməli və qanuna uyğun olaraq bütün qərar qəbuletmə səlahiyyətlərini cari ilin 30 may tarixindən gec olmayaraq təhvil verməli olduğunu aydın şəkildə göstərən ictimai bəyanatla çıxış etməsini tələb ediblər.

“Biz administrasiyanızın dərhal reaksiya verməsində israr edirik və bu məsələ ilə bağlı birmənalı mövqe bildirən sənədi gözləyirik”, – deyə konqresmenlərin müraciətində qeyd olunub.

Parlamentarilər, həmçinin vurğulayıblar ki, Maskın eyni vəzifəyə qayıtması yalnız onun təsis etdiyi şirkətlərdə – elektromobil istehsalçısı “Tesla” və “SpaceX” kosmik korporasiyada rəhbərlikdən imtina etməsi halında mümkün olacaq.

ABŞ-nin mövcud qanunvericiliyinə əsasən, DOGE rəhbəri kimi İlon Maskın da daxil olduğu xüsusi dövlət qulluqçuları öz vəzifələrində 130 gündən artıq qalmaq hüququna malik deyillər.

Müraciətin təşəbbüskarlarından biri olan konqresmen Qreq Kasar bildirib ki, demokratlar bütün lazımi hüquqi və siyasi alətlərə malikdirlər və qarşıya qoyulmuş məqsədə çatmaq üçün “ictimai təzyiq göstərmək üçün bütün imkanlardan” istifadə etməyə hazırdırlar.