Çexiyanın hökumət başçısının hesabı oğurlandı: Sakinlərə qorxulu xəbərlər verildi

Bu gün səhər bütün mövcud təhlükəsizlik tədbirlərinə baxmayaraq, Çex Respublikasının Baş naziri Petr Fialanın “X” sosial şəbəkəsindəki səhifəsi genişmiqyaslı haker hücumuna məruz qalıb.

presstvaz-ın verdiyi məlumata görə, bu barədə hökumət başçısının mətbuat katibi Lusiya Yeşatkova xəbər verib.

Hakerlər baş nazirin səhifəsində yalan məlumatlar yerləşdiriblər, bu da tez bir zamanda şəbəkədə yayılaraq istifadəçilər arasında panikaya səbəb olub.

Dələduzlar ölkənin guya ABŞ rüsumlarına cavab olaraq sanksiyalar hazırladığı xəbərini veriblər. Bundan başqa, Rusiya ordusunun guya sərhəd yaxınlığında beynəlxalq qüvvələr tərkibindəki Baltikyanı ölkələrdə yerləşdirilmiş çex bölmələrinə hücum etdiyi barədə saxta xəbərlər dərc ediblər.

Yalan bəyanatlar video ilə müşayiət olunub.

Hökumət başçısının mətbuat katibi Yeşatkova bu məlumatları təkzib edərək onları dezinformasiya adlandırıb.

Çex hökuməti artıq hakerlərin kimliyini müəyyənləşdirmək və onları məsuliyyətə cəlb etmək üçün hadisənin araşdırılmasına başlayıb.