Gəncədə sərnişin avtobusu ilə minik maşını TOQQUŞDU: Xəsarət alanlar var

Gəncədə sərnişin avtobusunun minik avtomobili ilə toqquşması nəticəsində xəsarət alan şəxslərdən birinin son durumu məlum olub.

presstvaz bildirir ki, bu barədə Oxu.az-ın sorğusuna cavab olaraq Tibbi Ərazi Bölmələrini İdarəetmə Birliyindən (TƏBİB) məlumat verilib.

Məlumatda deyilir ki, bu gün saat 15:30-da 1978-ci il təvəllüdlü şəxs (qadın cinsli) Gəncə Şəhər Birləşmiş Xəstəxanasının nəzdində olan Akademik Z.Məmmədov adına xəstəxananın Təcili tibbi yardım şöbəsinə hospitalizasiya olunub:

“Çanaq sümüyünün sınığı diaqnozu təyin edilən şəxsin müalicəsi Travmatologiya şöbəsində davam etdirilir, vəziyyəti stabildir”.

16:31

Gəncədə sərnişin avtobusu minik avtomobili ilə toqquşub, xəsarət alanlar var.

presstvaz xəbər verir ki, şəhərdaxili sərnişin daşıyan mikroavtobusla “Toyota” markalı avtomobilin toqquşması nəticəsində Daşkəsən rayon sakinləri, 1983-cü il təvəllüdlü T.Orucova və 1978-ci il təvəllüdlü Z.Bayramova müxtəlif dərəcəli bədən xəsarətləri alıb.

Yaralılar xəstəxanaya yerləşdiriliblər.

Faktla bağlı araşdırma aparılır.