Yasamalda bədbəxt hadisə: Avtomobil bina tikmək üçün qazılmış bünövrəyə aşdı

Bakının Yasamal rayonunda bədbəxt hadisə baş verib.

presstvaz xəbər verir ki, Yeni Yasamal ərazisində avtomobil bina tikmək üçün qazılan və ətrafı hasarlanmayan bünövrəyə aşıb.

Yasamal sakini qeyd edir ki, həmin ərazi çoxdan qazılsa da, ərazidə hər hansı iş aparılmayıb.

“Bura parklanma yerinin arxasındadır. Ərazi çoxdan qazılsa da ətrafına heç bir hasar çəkilməyib. O səbəbdən nəqliyyat vasitəsini arxaya verən yaşlı insan avtomobil qarışıq həmin qazılmış əraziyə düşüb. Əraziyə təcili tibbi yardım əməkdaşları da gəliblər”, – deyə sakin bildirib.