Britaniya Kiyevi ABŞ ilə Səudiyyə Ərəbistanında keçiriləcək danışıqlara hazırlayır

“Böyük Britaniya Ukrayna rəsmilərini Səudiyyə Ərəbistanında ABŞ nümayəndə heyəti ilə keçiriləcək danışıqlara hazırlamaq məqsədilə onlara məsləhətlər verir”.

presstvaz-ın verdiyi məlumata görə, bu barədə “The Times” qəzeti öz mənbələrinə istinadən xəbər verib.

Bildirilir ki, Ukraynaya sülh danışıqları mövzusunda konsultasiya edilir.

Mənbənin sözlərinə görə, Böyük Britaniyanın milli təhlükəsizlik üzrə müşaviri, Baş nazir Kir Starmerin müavini Conatan Pauell Ukraynaya ötən həftəsonu (8-9 mart) səfər edərək, Prezident Volodimir Zelenskiyə ABŞ ilə danışıqlara başlamazdan əvvəl məlumat vermək istəyib. Böyük Britaniya bu addımla ABŞ Prezidenti Donald Trampla Oval ofisdəki vəziyyətin təkrarlanmasının qarşısını almağa çalışır.

Pauell Zelenskiyə ABŞ ilə danışıqları elə aparmağı tövsiyə edib ki, Rusiyanın sülhə mane olduğu təəssüratı yaratsın.

Mənbə əlavə edir ki, diplomat ABŞ-nin milli təhlükəsizlik üzrə müşaviri Maykl Uoltsla telefon danışıqları aparıb və bu zaman Vaşinqtonla Kiyev arasında kəşfiyyat məlumatlarının mübadiləsinin bərpasına tərəfdar olduğunu bildirib.