İrandan Azərbaycana birbaşa investisiyaların həcmi AÇIQLANDI

Azərbaycan Avrasiya regionunda İran investisiyalarının əsas alıcısıdır və ümumi investisiyanın 91 faizini və ya 2,93 milyon dolları təşkil edir.

presstvaz bildirir ki, bu barədə Trend Avrasiya İnkişaf Bankının (AİB) hesabatına istinadən xəbər verir.

Hesabatda qeyd olunub ki, İranın Azərbaycana birbaşa xarici investisiyaları 2016-cı ildən bəri iki dəfədən çox artıb və bu, kapital həcmlərində sabit artım tendensiyasını nümayiş etdirir.

AİB-nin analitikləri xatırladırlar ki, 2017-ci ildən Azərbaycanın Neftçala rayonunda “Xəzər” avtomobillərinin istehsalı layihəsi həyata keçiri

“”AzKron” avtomobil zavodu “Azevrocar” müştərək müəssisəsinə məxsusdur, onun da öz növbəsində 75 faizi “AzerMash” qrupuna məxsusdur. Qalan rüb İranın ən böyük avtomobil şirkəti olan “Iran Khodro”nun payına düşür”, – deyə hesabatda bildirilib.

Bundan əlavə, AİB qeyd edib ki, 2022-ci ilə qədər Azərbaycanın İrana toplanmış birbaşa xarici investisiyalarının həcmi 3,3 milyon dollar təşkil edib. 2024-cü ilin birinci yarısında həcm 8,3 milyon dollara yüksəldi.

Hesabatda bildirilib ki, Azərbaycan bir investisiya layihəsi həyata keçirir:

“Azərbaycanın “ADY Express” şirkəti İranın Astara şəhərində yük terminalının tikintisinə sərmayə qoyur. Bu layihə Şimal-Cənub Beynəlxalq Nəqliyyat Dəhlizinin Qərb marşrutunun inkişafında mühüm rol oynamalıdır. Layihənin ümumi dəyəri 10 milyon dollar qiymətləndirilir”.