Dünyada ən baha və ən ucuz benzin satılan ölkələr – Biri Azərbaycanın qonşusudur

Dünyada benzinin ən baha və ən ucuz satıldığı ölkələrə dair statistika dərc edilib.

presstvaz “AzPolitika”-ya istinadən  xəbər verir ki, “Global Petrol Prices” analitik mərkəzinin dərc etdiyi statistikaya görə, dünyada ən ucuz benzin İranda satılır. Qonşu ölkədə benzinin bir litri 0,03 dollardır. İslam Respublikasında benzinin aşağı qiyməti inkişaf etmiş neft və neft emalı sənayesi ilə izah olunur. Həmçinin, benzinin ən ucuz satıldığı ölkələr arasında Venesuela, Misir, Anqola və Liviya da var.

Ən bahalı benzin isə Honq-Konqdadır. Bu xüsusi inzibati bölgənin sakinləri yanacağı litri 3,41 dollara alırlar. Fakt budur ki, Honq-Konqun özünün yanacaq istehsalı yoxdur. Bundan əlavə, Honq-Konq ənənəvi olaraq dünyanın ən bahalı şəhərləri siyahısına daxil edilir. Norveçdə də benzin bahadır. Bu da yüksək vergilərlə bağlıdır.

Rusiya benzinin ən ucuz olduğu ölkələr arasında 11-ci yerdə qərarlaşıb. Ruslar bir litr üçün 0,6 dollar ödəyirlər. Çində isə qiymət Rusiyadan iki dəfə bahadır.

Benzinin Azərbaycandan daha ucuz satıldığı ölkələr sırasında Rusiya ilə yanaşı, Qazaxıstan, Türkmənistan, Əlcəzair, Bəhreyn, Boliviya, Küveyt, Malaziya, Oman, Qatar, Səudiyyə Ərəbistanı kimi ölkələr var.