Çili sahillərində inanılmaz görüntülər: Balina kanoeçini uddu

Çilinin Pataqoniya sahillərində kanoeçilər Adrian Simankas və atası Dell Simankasın başına görülməmiş hadisə gəlib.

presstvaz    xəbər verir ki, bununla bağlı görüntüləri “Daily Star” yayıb.

Qeyd olunur ki, onlar qayıq sürərkən dalğanın arasından peyda olan donqar balina Adrianı qayığı ilə birlikdə udub, lakin çox çəkməyib ki, onu sağ-salamat geri tüpürüb.

Adriandan bir neçə metr aralıda olan atası həmin anları videoya çəkib.

Oğlu balinanın ağzından çıxandan sonra onun “Sakit ol, sakit ol” dediyi eşidilir.

“Birinci öldüyümü düşündüm. Əsl qorxum yenidən suyun üzünə çıxandan sonra yarandı. Mən qalxıb üzməyə başlayanda atamın da başına nəsə gələ biləcəyindən, sahilə vaxtında çata bilməyəcəyimizdən və ya hipotermiya (insan bədənində temperaturun aşağı düşməsi) olacağımdan qorxdum”, – deyə Adrian həmin an yaşadığı hissləri ifadə edib.

Qeyd edək ki, kanoeçilərin hər ikisi hadisə zamanı heç bir xəsarət almadan sahilə qayıdıb.

Həmin görüntüləri təqdim edirik: