Serbiya Prezidenti Aleksandar Vuçiç nazirlərin yarıdan çoxunu istefaya göndərəcək

Serbiya Prezidenti Aleksandar Vuçiç ölkədə davam edən tələbə etirazları fonunda hökumətin təcili yenilənəcəyini elan edib.

presstvaz   bu barədə TASS agentliyinə istinadən xəbər verir.

Məlumatda qeyd olunur ki, A.Vuçiç nazirlərin yarıdan çoxunu istefaya göndərəcək.

Xatırladaq ki, dünəndən etibarən Serbiyanın paytaxtı Belqradda tələbələr etiraz aksiyasına başlayıblar. Onlar Belqradın ən böyük nəqliyyat mərkəzlərindən biri olan Autokomandanın qarşısına toplaşaraq yolları bağlayıblar.

Tələbələr ötən il noyabrın 1-də Novi Sad şəhərindəki dəmiryolu vağzalında 15 nəfərin ölümü, iki nəfərin ağır yaralanması ilə nəticələnən qəza ilə bağlı bütün tələblərin yerinə yetirilməsini istəyirlər. Etirazlara ölkədəki fermerlər də qoşulublar. Aksiyanın yanvarın 28-i yerli vaxtla saat 10:00-a qədər (Bakı vaxtı ilə 13:00-a qədər – red.) davam edəcəyi bildirilir.