Bundesliqa: “Leyptsiq” ev oyununda, “Ştutqart” səfərdə qələbə qazanıb

Futbol üzrə Almaniya çempionatının 16-cı turuna “Leyptsiq” – “Verder Bremen” və “Auqsburq” – “Ştutqart” oyunları ilə yekun vurulub.

presstvaz   xəbər verir ki, ilk oyunda ev sahibləri bremenliləri 4:2 hesabı ilə məğlub ediblər. İkinci görüşdə isə “Ştutqart” 1:0 hesabı ilə qalib gəlib.

Bu turun əvvəlki görüşlərində aşağıdakı nəticələr qeydə alınmışdı:

“Borussiya Dortmund” – “Bayer Leverkuzen” – 2:3;

“Hoffenhaym” – “Volfsburq” – 0:1;

“Haydenhaym” – “Union Berlin” – 2:0;

“Frayburq” – “Holştayn Kiel” – 3:2;

“Maynz 05” – “Boxum 1848” – 2:0;

“St Pauli” – “Ayntraxt Frankurt” – 0:1.

“Borussiya Münxenqladbax” – “Bavariya” – 0:1.

On altı turdan sonra Bundesliqaya 39 xalla “Bavariya” liderlik edir. Münxenliləri ardıcıl altı turda qələbə qazanan “Bayer Leverkuzen” (35 xal) izləyir. Eyni xala (30) sahib “Ayntraxt Frankurt” və “Leyptsiq” üçüncü və dördüncü pillələrdə qərarlaşıblar. “Maynz 05” 28 xalla beşinci, 27 xala malik “Frayburq” altıncı sıralarda yer alıb. Aktivlərində 25 xal olan “Borussiya Dortmund” və “Verder Bremen” yeddinci və səkkicizincidir. Sonrakı yerləri “Volfsburq” (24 xal), “Borussiya Münxenqladbax” (24), “Ştutqart” (23 xal), “Union Berlin” (17), “Auqsburq” (16), “St Pauli” (14), “Hoffenhaym” (14), “Haydenhaym” (13), “Holştayn Kiel” (8) və “Boxum 1848” (6) komandaları qərarlaşıblar.

Almaniya çempionatının 17-ci turunun oyunları yanvarın 14-15-də keçiriləcək.