Vaqif Sadıqov: “Bu gün “Qarabağ” növbəti tarixə imza atacaq”

“Hər zaman “Qarabağ”dan inamlı nəticə, uğurlu oyun gözləyirik”.

presstvaz bildirir ki, bunu İdman.bizə AFFA-nın vitse-prezidenti Vaqif Sadıqov deyib.

O, UEFA Avropa Liqasının pley-off mərhələsində “Qarabağ”ın “Braqa” ilə cavab matçını dəyərləndirib. Vitse-prezidentin sözlərinə görə, bu gün Azərbaycanda elə bir adam olmayacaq ki, “Qarabağ”a azarkeşlik etməsin: “Çox çətin qarşılaşma olacaq. Ona görə ki, “Braqa” nüfuzunu qoruyub saxlamaq üçün cavab matçında ən yaxşı oyunlarından birini göstərməyə çalışacaq. Ancaq belə bir vəziyyətdə azarkeşləri önündə Azərbaycan çempionundan müsbət nəticə gözləyirəm. İnanıram ki, bu gün “Qarabağ” növbəti tarixə imza atacaq. Komandamız yaxşı oyun göstərəcək. Bizi hər bir nəticə qane edəcək. Hansı ki, həmin nəticə yolumuzu davam etməyə imkan yaradacaq”.

Qeyd edək ki, Tofiq Bəhramov adına Respublika stadionunda baş tutacaq “Qarabağ” – “Braqa” qarşılaşması bu gün saat 21:45-də start götürəcək. İlk görüşdə isə Azərbaycan çempionu 4:2 hesabı ilə qalib gəlib.