ABŞ icazə verdi: bu ölkə hava şarları ilə silahlanır

Polşa yeni hava şarına əsaslanan erkən xəbərdarlıq sisteminin elementlərini almaq üçün ABŞ hökumətindən icazə alıb.

presstvaz  xəbər verir ki, bu barədə “The War Zone” (TWZ) məlumat yayıb.

Bildirilib ki, onların işə salmaq istədikləri sistem təyyarələri, helikopterləri və dronları aşkarlayacaq,

Vaşinqton şar əsaslı yer və hava radarlarının kəşfiyyat sistemlərinin satışını təsdiqləyib. 1,2 milyard dollar dəyərində olan paketə müvafiq avadanlıq və sistemlərə texniki xidmət də daxildir.

Qeyd olunur ki, Polşa 2017-ci ildən bu cür kompleksləri əldə etmək imkanını nəzərdən keçirir. Barbara proqramının bir hissəsi olaraq Varşava müxtəlif dronları, helikopterləri və digər alçaqdan uçan nəqliyyat vasitələrini aşkar etmək üçün avadanlıqları işə salmaq istəyirdi.

Hərbçilər həmçinin quruda və dənizdə hədəfləri aşkar etmək və izləmək imkanı qazanmağı planlaşdırırdılar.

ABŞ-da satın alınacaq sistemə “dost və ya düşmən” transponderləri olan havadan erkən xəbərdarlıq radarları və elektron kəşfiyyat üçün təyin olunmamış avadanlıqlar daxil olacaq. Varşava həmçinin yerüstü idarəetmə mərkəzləri və hava şarlarının yanalma sistemləri alacaq.

“Polşa potensial regional təhlükələrdən qorunmaq üçün bu imkandan havadan erkən xəbərdarlıq sistemi kimi istifadə edəcək. Bu, həmçinin Polşaya gələcək NATO əməliyyatlarına töhfəsini artırmağa imkan verəcək . Bu texnikanı öz silahlı qüvvələrinə qəbul etmək Polşa üçün çətin olmayacaq”, – ABŞ Müdafiə Nazirliyinin Təhlükəsizlik üzrə Əməkdaşlıq Agentliyinin bəyanatında deyilir.