Xızıda piyadanın ölümü ilə nəticələnən qəza: Polis mərhumun kimliyini müəyyən edir

Mərhumun əlində “Süleyman” yazısı olan döymə aşkarlanıb – DİQQƏT!

            Daxili İşlər Nazirliyinin (DİN) Mətbuat Xidmətindən presstvaz-a daxil olan məlumata görə, fevral ayının 11-də saat 22:30 radələrində Bakı–Quba ödənişli avtomobil yolunun 56-cı kilometrliyində, Xızı rayonunun Yaşma kəndi ərazisindən keçən hissəsində ağır yol-nəqliyyat hadisəsi baş verib.

Piyada hadisə yerində dünyasını dəyişib Naməlum sürücü idarə etdiyi avtomobillə Quba istiqamətində hərəkətdə olarkən yolu keçən təqribən 60–65 yaşlarında kişi cinsli piyadanı vurub. Nəticədə piyada aldığı ağır xəsarətlərdən hadisə yerində ölüb. Aparılan araşdırmalar zamanı mərhumun üzərində şəxsiyyətini təsdiq edən hər hansı sənəd aşkar edilməyib.

Ayırıcı nişan: Kiril əlifbası ilə döymə Mərhumun şəxsiyyətinin müəyyənləşdirilməsi üçün polis tərəfindən xüsusi əlamətlər açıqlanıb:

• Yaşı: təqribən 60–65;

• Fərqləndirici nişan: sol əlinin üzərində kiril əlifbası ilə “Süleyman” sözü yazılmış döymə mövcuddur.

Həmçinin həmin şəxsin ərazidəki təhlükəsizlik kameralarına düşmüş görüntüləri də araşdırmaya cəlb olunub.

Vətəndaşlardan yardım xahiş olunur presstvaz  xəbər verir ki, polis əməkdaşları mərhumun şəxsiyyətinin müəyyənləşdirilməsi istiqamətində tədbirləri davam etdirir. Hadisə ilə bağlı məlumatı olan, yaxud mərhumun fərqləndirici nişanından onu tanıyan şəxslərdən xahiş olunur ki, aşağıdakı nömrələrlə əlaqə saxlasınlar:

• Şəhər nömrəsi: 023-31-50-131

• Mobil nömrə: +994 55 210 73 73

• DİN-in Çağrı Mərkəzi: 102

presstvaz   – Azərbaycanın etibarlı informasiya mənbəyi