MAPS kometası Günəşə çox yaxın məsafədən keçəcək

Mar 10, 2026 19:17 (UTC +04:00)

presstv

"Presstv"az

Son xəbərlər, Azərbaycanda və Dünyada ən aktual hadisələr "Presstv".az Azərbaycan Xəbər Portalı “Global Media Group”a daxil olan "Presstv".az Azərbaycan xəbər portalı 2023-cü ilin 16 Oktyabr- dan fəaliyyət göstərir. Saytın yaradılmasında məqsəd dünyada və ölkədə baş verən ən vacib və maraqlı son xəbərləri geniş auditoriyaya təqdim etməkdir. "Presstv".az 24 saat ərzində, Azərbaycan Türk Rus və İnglis dillərində, ölkədə və dünyada baş verən ən aktual və maraqlı son xəbərlər barədə operativ məlumatlar, oxucuları və cəmiyyəti maraqlandıran suallara cavablar, analitik məqalələr, foto və videohesabatlar hazırlayır. Düzgün seçilmiş informasiya siyasəti, müasir dizaynı, mobil platformalarda və aparıcı sosial şəbəkələrdə təmsil olunması nəticəsində bu gün "Presstv".az Azərbaycanın media məkanında öz layiqli yerini tutub və ən geniş oxucu auditoriyasına malik xəbər portallarından birinə çevrilib.

C/2026 A1 (MAPS) kometası yaxın günlərdə Günəşə çox yaxın məsafədən keçəcək.

presstvaz xəbər verir ki, bu barədə Bakı Dövlət Universitetinin (BDU) Fizika fakültəsinin Astrofizika kafedrası məlumat yayıb.

Verilən məlumata görə, kometa böyük ehtimalla 2026-cı il aprelin 4-də Günəşə düşərək parçalanacaq və ya tam buxarlanacaq.

Alimlərin hesablamalarına əsasən, MAPS kometası 1106-cı ilin məşhur Böyük Kometasının fraqmentlərindən biri ola bilər. 1106-cı ilin Böyük Kometası (Great Comet of 1106 -X/1106 C1) orta əsrlərdə müşahidə edilmiş ən parlaq kometalardan biri hesab olunur.

Kometa Günəşə yaxınlaşdıqca onun nüvəsindəki buz və digər uçucu maddələr sürətlə buxarlanır. Bu proses güclü qaz və toz axınları yaradır və nəticədə kometanın quyruğu sürətlə böyüyür. Günəşə çox yaxın məsafədə isə Günəş tacının son dərəcə yüksək temperaturu və güclü Günəş küləyi kometanın nüvəsini dağıda bilər. Astronomların fikrincə, nüvəsinin ölçüsü təxminən 2 km olan bu kometanın Günəşə çox yaxın məsafədən (750 000 km) keçdikdən sonra sağ qalması ehtimalı çox azdır.

Hazırda kometanın parlaqlığı təxminən +11.6 ulduz ölçüsü səviyyəsindədir və yalnız teleskoplarla müşahidə edilə bilir. Lakin hesablamalar göstərir ki, Günəşə yaxınlaşdıqca onun parlaqlığı sürətlə artacaq. Xüsusilə mart ayının son günlərində və aprel ayının ilk günlərində kometanın parlaqlığının kəskin şəkildə artması gözlənilir. Bu zaman kometanın quyruğu sürətlə böyüyəcək və bəzi hallarda kiçik teleskoplar və hətta binokllarla müşahidə edilə bilər. Kometanın parlaqlığının son günlərdə daha da artaraq adi gözlə görünməsi, hətta qısa müddət ərzində gündüz səmasında müşahidə olunması ehtimalı da istisna edilmir.

Kometanı müşahidə etmək üçün ən uyğun vaxt Günəş batdıqdan dərhal sonra, qərb istiqamətində təxminən 1-1.5 saat ərzində olacaq. Lakin Günəşə çox yaxın yerləşdiyinə görə onu müşahidə etmək çətin ola bilər.

Kometanın Günəşə son yaxınlaşma mərhələsi kosmik teleskoplar və Günəşi müşahidə edən xüsusi cihazlar (koronoqraflar) vasitəsilə də izlənəcək. Bu müşahidələr alimlərə kometaların quruluşu, Günəşə yaxın mühitdə onların davranışı və Günəş küləyinin təsiri haqqında yeni məlumatlar əldə etməyə imkan verəcək.