Nazir Vilayət Eyvazov Yevlaxda vətəndaşları qəbul edəcək – Sıra baxışı keçiriləcək

Yevlax, Mingəçevir, Ağdaş, Ucar və Kürdəmir sakinləri üçün müraciət qaydaları

        Daxili İşlər Nazirliyindən (DİN) presstvaz-a daxil olan məlumata görə, daxili işlər naziri general-polkovnik Vilayət Eyvazov martın 2-də Yevlax rayonunda növbəti vətəndaş qəbulunu və xidmətə qəbul üçün namizədlərin sıra baxışını keçirəcək.

Vətəndaş qəbulu: Məkan və müraciət qaydası Yevlax Rayon Polis Şöbəsinin inzibati binasında baş tutacaq qəbulda beş rayonun – Yevlax, Mingəçevir, Ağdaş, Ucar və Kürdəmir sakinləri iştirak edə bilərlər.

Nazirliyin səlahiyyətlərinə aid məsələlərlə bağlı qəbula yazılmaq istəyənlər 1 mart 2026-cı il tarixinədək aşağıdakı vasitələrlə müraciət edə bilərlər:

• Yaşadıqları ərazinin polis orqanına;

• “E-Polis” mobil tətbiqi vasitəsilə;

• e-xidmet.mia.gov.az elektron portalı üzərindən;

• DİN-in sosial şəbəkələrdəki rəsmi səhifələri vasitəsilə.

Xidmətə qəbul: Gənclər üçün sıra baxışı Polis orqanlarında və daxili qoşunlarda xidmət etmək arzusunda olan gənclərin sıra baxışı martın 2-də saat 08:00-da Yevlax Olimpiya İdman Kompleksində təşkil olunacaq.

Zəruri məlumatlar:

       Qeyd: Qəbula və sıra baxışına gələn vətəndaşlardan və namizədlərdən mütləq şəkildə şəxsiyyət vəsiqəsi tələb olunur.

presstvaz  – Azərbaycanın etibarlı informasiya mənbəyi