Yeni Dövlət Proqramı müzakirə edildi: Qida təhlükəsizliyində 2032-ci ilə qədər hədəflər müəyyənləşir

AQTA yanında Məşvərət Şurasının iclasında prioritet istiqamətlər açıqlandı

       Azərbaycan Respublikasının Qida Təhlükəsizliyi Agentliyinin (AQTA) Mətbuat Xidmətindən presstvaz-a daxil olan məlumata görə, qurum yanında fəaliyyət göstərən qida sektoru üzrə Məşvərət Şurasının üzvlərinin iştirakı ilə mühüm görüş keçirilib. İclasda “Azərbaycan Respublikasında qida təhlükəsizliyinin təmin edilməsinə dair 2026-2032-ci illər üzrə Dövlət Proqramı” layihəsi geniş müzakirə olunub.

İnnovativ üsullar və beynəlxalq təcrübə Agentlik rəsmilərinin təqdimatında qeyd olunub ki, yeni Dövlət Proqramı hazırlanarkən qabaqcıl beynəlxalq təcrübə əsas götürülüb. presstvaz  xəbər verir ki, sənədin əsas prioritetləri aşağıdakılardır:

• Heyvan və bitki sağlamlığı sahəsində normativ hüquqi bazanın təkmilləşdirilməsi;

• Qida zəncirinə nəzarət infrastrukturunun və laborator xidmətlərin gücləndirilməsi;

• İdxal-ixrac əməliyyatlarının təkmilləşdirilməsi, elm, təhsil və kadr potensialının artırılması;

• İnnovativ üsulların tətbiqi və istehlakçıların sağlam qidalanma vərdişlərinin təşviqi.

İctimai nəzarət gücləndiriləcək Müzakirələr zamanı vurğulanıb ki, proqramın əsas istiqamətlərindən biri də qida təhlükəsizliyi sahəsində ictimai nəzarətin gücləndirilməsidir. Məşvərət Şurasının üzvləri layihə ilə bağlı fikir və təkliflərini səsləndirib, sahibkarları və sektoru maraqlandıran suallar Agentlik rəsmiləri tərəfindən cavablandırılıb.

presstvaz   – Azərbaycanın etibarlı informasiya mənbəyi