Bu, qocalmış Qərb üçün təhlükədir – Deripaska

Avropa üçün əsas problem Rusiya deyil, Qlobal Cənubla rəqabət apara bilməməsidir.

presstvaz xəbər verir ki, bu barədə rusiyalı biznesmen Oleq Deripaska Teleqram kanalında yazıb.

Onun sözlərinə görə, Münhen konfransında iştirak edən qərblilər Köhnə Dünyadan kənarda baş verənləri çox az başa düşürlər:

"Xüsusilə, İsveçin xarici işlər naziri Mariya Stenerqard AB-də sanksiyaların təsdiqlənmə sürətindən narazılığını ifadə edərək, Moskvaya daha sərt təzyiqlər göstərməyə, o cümlədən Rusiyanın enerji ixracı üçün naviqasiya xidmətlərinin tam qadağan edilməsinə və gübrə idxalına embarqoya çağırıb. Amerikalı demokrat senator Riçard Blumental öz növbəsində Rusiya ilə ticarəti davam etdirən ölkələrə, o cümlədən Çin və Hindistana təzyiq göstərməyi təklif edib.

Tədbir iştirakçılarının Rusiyadan Qərb dünya düzəninə ekzistensial təhlükə ilə bağlı gəldiyi qənaəti tamamilə səhvdir.

Dünya dramatik şəkildə dəyişib və sürətlə dəyişməyə davam edəcək. Qərbin qocalmış milyard insanı nə iqtisadi, nə də hərbi baxımdan Qlobal Cənubla rəqabət apara biləcək. Bu, Köhnə Dünyanın tox həyatı üçün əsas təhlükədir. Rusiya təhlükə deyil”.