Merkel prezidentliyə namizəd ola bilər?

Almaniya Kansleri Fridrix Mertsin ətrafı federal hökumətin keçmiş rəhbəri Angela Merkelin (2005-2021) Almaniya prezidenti vəzifəsinə namizədliyinin irəli sürülməsi ilə bağlı şayiələrdən narahatdır.

presstvaz xəbər verir ki, bu barədə “Bild” qəzeti yazıb.

Məlumata görə, bu cür şayiələr əvvəllər rəhbərlik etdiyi Xristian Demokrat İttifaqı (XDİ) daxilində yayılıb. Qəzetin məlumatına görə, Mertsin ətrafı artıq bu məlumatla bağlı həyəcan təbili çalıb və yaşılların Merkeli namizəd göstərə biləcəyi ehtimalını istisna etmir. Keçmiş kansler hələ də partiyanın tərəfdarları arasında xeyli populyarlığa malikdir.

Belə bir vəziyyətdə Merts son dərəcə çətin vəziyyətə qalacaq. Onunla Merkel arasındakı münasibətlər gərgin olaraq qalır, çünki 2002-ci ildə Merts Bundestaqdakı XDİ/ XSİ fraksiyasının rəhbəri vəzifəsindən məhrum edilmiş və o, müvəqqəti olaraq siyasətdən təqaüdə çıxmışdı. Kansler prezidentliyə XDİ-dən namizəd, lakin hər şeydən əvvəl ona sadiq birini irəli sürmək istəyir. Namizədlər arasında Almaniyanın təhsil naziri Karin Prin və Bundestaq prezidenti Yuliya Klökner də var.