Paytaxtın mərkəzində ağır qəza: Sürücü qırmızı işıqda keçərək svetoforu sıradan çıxardı

NİİM: Ötən il Bakıda 55 svetofor qəzalar nəticəsində yararsız hala düşüb

       Daxili İşlər Nazirliyinin (DİN) Nəqliyyatı İntellektual İdarəetmə Mərkəzindən (NİİM) presstvaz-a verilən məlumata görə, gecə saatlarında paytaxtın Nəsimi rayonu ərazisində yol-nəqliyyat hadisəsi qeydə alınıb.

Svetofora çırpıldı Hadisə 28 May və Rəşid Behbudov küçələrinin kəsişməsində baş verib. Belə ki, minik avtomobilinin sürücüsü svetoforun qadağanedici (qırmızı) işarəsinə məhəl qoymayaraq hərəkəti davam etdirib və nəticədə idarəetməni itirərək svetofor dirəyinə çırpılıb. Qəza nəticəsində 1 ədəd nəqliyyat svetoforu tamamilə yararsız vəziyyətə düşüb.

       Bərpa işlərinə başlanılıb presstvaz xəbər verir ki, hadisədən dərhal sonra Nəqliyyatı İntellektual İdarəetmə Mərkəzinin əməkdaşları tərəfindən əraziyə baxış keçirilib və sıradan çıxmış svetoforun yenilənməsi istiqamətində texniki işlərə başlanılıb.

Rəsmi statistika: 55 fakt NİİM-dən bildirilib ki, yol infrastrukturuna ziyan vurulması halları tez-tez müşahidə olunur. Təkcə ötən il ərzində Bakı şəhərinin müxtəlif küçə və prospektlərində baş vermiş 55 yol-nəqliyyat hadisəsi zamanı svetoforlara ciddi ziyan dəyib və ya onlar tamamilə sıradan çıxıb.

       Mərkəz sürücüləri yol hərəkəti qaydalarına ciddi əməl etməyə və dövlət əmlakına qarşı məsuliyyətli olmağa çağırır.

presstvaz  – Azərbaycanın etibarlı informasiya mənbəyi