Azərbaycanda son 24 saatın kriminogen durumu: DİN əməliyyatların nəticələrini açıqladı

Polisdən genişmiqyaslı əməliyyat: 121 nəfər saxlanıldı, 18,5 kq narkotik dövriyyədən çıxarıldı

       Daxili İşlər Nazirliyinin (DİN) Mətbuat Xidmətindən presstvaz-a verilən  məlumata görə, fevralın 11-də ölkə ərazisində cinayətkarlıqla mübarizə və ictimai təhlükəsizliyin təmin edilməsi istiqamətində keçirilən əməliyyatlar zamanı mühüm nəticələr əldə olunub.

Cinayətlərin açılması və axtarışda olanların saxlanılması Ötən gün ərzində qeydə alınan 48 cinayət hadisəsinin, eləcə də əvvəlki dövrlərdən bağlı qalan 1 cinayətin açılması polis əməkdaşları tərəfindən təmin edilib. Axtarışda olduğu üçün ümumilikdə 121 nəfər saxlanılıb ki, onlardan da 91-i borclu şəxs qismində axtarılanlardır. Həmçinin, müxtəlif cinayətlərdə şübhəli bilinən daha 35 nəfər ədalət mühakiməsinə təslim edilib.

 Dələduzlara və qanunsuz silah saxlayanlara qarşı mübarizə  presstvaz-ın əldə etdiyi məlumata əsasən, polisin həyata keçirdiyi xüsusi tədbirlər nəticəsində dələduzluğa görə axtarışda olan 8 nəfər tutularaq istintaqa cəlb olunub. Qanunsuz saxlanılan silahların yığılması çərçivəsində isə paytaxt və rayonlarda:

• 2 avtomat silahı;

• 26 tüfəng;

• 3 patron darağı və 49 ədəd müxtəlif çaplı patron aşkar edilərək götürülüb.

Narkotik dövriyyəsinə ağır zərbə Narkotiklərin qanunsuz dövriyyəsinə qarşı keçirilən 25 fakt üzrə əməliyyatlarda ümumi çəkisi 18,5 kiloqrama yaxın narkotik vasitə və 306 ədəd güclü təsiredici xassəyə malik həb dövriyyədən çıxarılıb.

           İtkin düşənlər tapılaraq ailələrinə təhvil verilib DİN-in məlumatında o da vurğulanır ki, ailə üzvlərini məlumatlandırmadan yaşadıqları ünvanı tərk etdikləri üçün itkin düşmüş kimi axtarılan 12 nəfərin yeri polis tərəfindən müəyyən edilib. Onlar sağ-salamat tapılaraq aidiyyəti üzrə təhvil veriliblər.

Hazırda bu istiqamətdə qətiyyətli mübarizə tədbirləri davam etdirilir.

presstvaz  – Azərbaycanın etibarlı informasiya mənbəyi