Böyük Britaniyada avtomobil istehsalı kəskin azalıb

Britaniya avtomobil sənayesi 2025-ci ildə 764 000 avtomobil və kommersiya nəqliyyat vasitəsi istehsal edib ki, bu da 1952-ci ildən bəri ən aşağı göstəricidir.

presstvaz xəbər verir ki, bu barədə BBC yayım korporasiyası Avtomobil İstehsalçıları və Satıcıları Cəmiyyətinin (SMMT) rəqəmlərinə istinadən məlumat yayıb.

2025-ci ildə istehsal həcmi əvvəlki illə müqayisədə 15.5% aşağı olub. SMMT rəhbəri Mayk Housun sözlərinə görə, ötən il bütöv bir nəslin yaddaşında ən ağır il olub. Bu dinamikanın səbəbləri kimi sentyabr ayında baş verən kiberhücumlar səbəbindən “Jaguar Land Rover” zavodlarının işində yaranan fasilələr, “Vauxhall”un Lutondakı zavodunun bağlanması, həmçinin ABŞ-nin ticarət siyasəti göstərilir.

BBC xatırladır ki, hələ 2016-cı ildə Böyük Britaniya ildə 1.7 milyon avtomobil istehsal edirdi. O vaxtdan bəri ölkənin avtomobil sənayesi “Brexit” ətrafındakı qeyri-müəyyənlikdən tutmuş pandemiya və ABŞ Prezidenti Donald Trampın tarif siyasətinə qədər çoxsaylı böhranlarla üzləşib.