Şəmkir rayonunda ağır yol-nəqliyyat hadisəsi baş verib

Yol polisi sürücülərə bir daha çağırış edib

        Daxili İşlər Nazirliyinin rəsmi mənbələrindən presstvaz-a daxil olan məlumata əsasən, Şəmkir rayonunda baş verən yol-nəqliyyat hadisəsi nəticəsində bir nəfər ölüb, bir nəfər isə xəsarət alıb. Hadisə Şəmkir–Şiştəpə kənd yolunda qeydə alınıb. Qəza zamanı 34 yaşlı Vüsal Rüstəmli həyatını itirib, avtomobildə olan 5 yaşlı oğlu Adəm isə müxtəlif dərəcəli bədən xəsarətləri alıb.

Daxili İşlər Nazirliyi bir daha diqqətə çatdırır ki, yol hərəkəti qaydaları insan həyatının qorunması məqsədilə müəyyən edilib və bu tələblərə əməl olunmaması ağır nəticələrə səbəb ola bilər. Sürət həddinə riayət edilməsi, ötmə qaydalarına əməl olunması, təhlükəsizlik kəmərindən istifadə və nəqliyyat vasitəsinin texniki sazlığı yol hərəkətinin əsas təhlükəsizlik şərtləridir.

         Xüsusilə azyaşlıların avtomobildə daşınması zamanı sürücülərin məsuliyyəti daha da artır. Sükan arxasında olan şəxs avtomobildə olan bütün sərnişinlərin təhlükəsizliyinə cavabdehdir.

Yol polisi sürücüləri diqqətli olmağa, yol hərəkəti qaydalarına ciddi əməl etməyə və sükan arxasında məsuliyyətsiz davranışlardan çəkinməyə çağırır. Qeyd olunur ki, yol hərəkəti qaydalarının pozulması bəzən geri dönüşü olmayan nəticələrə gətirib çıxarır.

presstvaz   – Azərbaycanın etibarlı informasiya mənbəyi