Türkiyədə saxlanılan “Acun Medya” şirkətinin baş koordinatoru Esat Yontunç barəsində qərar verildi

Türkiyənin İstanbul şəhərində narkotik və fahişəlik istintaqı çərçivəsində saxlanılan “Acun Medya” şirkətinin baş koordinatoru Esat Yontunç barəsində qərar verilib.

Bu barədə presstvaz “Haber Global”a istinadən xəbər verir.

Məlumata görə, İstanbul Baş Prokurorluğunun Qaçaqmalçılıq, Narkotik və İqtisadi Cinayətlərlə Mübarizə üzrə İstintaq Bürosu tərəfindən aparılan narkotik və fahişəlik istintaqı çərçivəsində xaricdə olduğu müəyyən edilən və barəsində saxlanılma qərarı çıxarılan, daha sonra İstanbul Hava Limanında saxlanılan Esat Yontunçun polis bölməsindəki prosedurları tamamlanıb.

Sağlamlıq müayinəsindən sonra Esat Yontunç məhkəməyə göndərilib və prokurorluqda ifadə verib.

Məhkəmə Esat Yontunç barəsində “Kimisə fahişəliyə təşviq etmək və ya vasitəçilik etmək və ya bunun üçün yer təmin etmək” maddəsi üzrə xaricə səyahət qadağası şəklində məhkəmə nəzarəti tədbiri tətbiq etmək qərarına gəlib və o, məhkəmədən sərbəst buraxılıb.