Ağsu dolaylarında nəqliyyatın fasiləsiz hərəkəti təmin olunub

Polis və aidiyyəti qurumlar gücləndirilmiş rejimdə xidmət aparır

        Daxili İşlər Nazirliyinin rəsmi mənbələrindən   presstvaz-a daxil olan məlumata əsasən, əlverişsiz hava şəraitinə baxmayaraq Ağsu dolaylarında nəqliyyat vasitələrinin təhlükəsiz və fasiləsiz hərəkəti təmin edilib.

Bildirilib ki, hazırda yol açıqdır və avtomobillərin hərəkətində hər hansı məhdudiyyət yoxdur. Ağsu Rayon Polis Şöbəsinin əməkdaşları aidiyyəti qurumlarla birgə koordinasiyalı şəkildə fəaliyyət göstərir, yollarda təhlükəsizliyin təmin olunması məqsədilə fasiləsiz xidmət aparırlar.

       Eyni zamanda, sürücülərə müraciət edilərək sürət həddini hava və yol şəraitinə uyğun seçmələri, təhlükəsiz ara məsafəsini saxlamaları, nəqliyyat vasitələrini qış mövsümünə uyğun şinlərlə təchiz etmələri tövsiyə olunur.

Polis əməkdaşları yol hərəkəti təhlükəsizliyinin qorunması istiqamətində nəzarət tədbirlərini davam etdirir.

 presstvaz  – Azərbaycanın etibarlı informasiya mənbəyi