Polis qanunsuz silah-sursata qarşı əməliyyatları davam etdirir

İki gün ərzində 18 avtomat, qumbara və yüzlərlə patron dövriyyədən çıxarılıb

       Daxili İşlər Nazirliyinin rəsmi mənbələrindən presstvaz-a daxil olan məlumata əsasən, qanunsuz saxlanılan odlu silah-sursatın aşkar edilərək götürülməsi istiqamətində polis əməkdaşları tərəfindən ölkə ərazisində əməliyyat və profilaktik tədbirlər davam etdirilir.

Yanvarın 17-si və 18-də həyata keçirilən tədbirlər nəticəsində paytaxtda, respublikanın ayrı-ayrı rayonlarında, eləcə də işğaldan azad olunmuş bölgələrdə ümumilikdə:

• 18 avtomat silahı,

• 4 tapança,

• 3 qumbara,

• 1 qumbaraatan,

• 30 tüfəng,

• 12 patron darağı,

• 492 ədəd müxtəlif çaplı patron aşkarlanaraq götürülüb.

Daxili İşlər Nazirliyi tərəfindən ictimai təhlükəsizliyin təmin olunması, qanunsuz silah dövriyyəsinin qarşısının alınması məqsədilə əməliyyat-axtarış və profilaktik tədbirlərin qətiyyətlə davam etdirildiyi bildirilib.

presstvaz   – Azərbaycanın etibarlı informasiya mənbəyi